$ 509.94 € 593.88 ₽ 6.43

WhatsApp-ты бұзудың жаңа түрі: Құпия сөз де, SIM-карта да керек емес!

Редакция
08 қаңтар 2026, 11:46
WhatsApp-ты бұзудың жаңа түрі: Құпия сөз де, SIM-карта да керек емес! Сурет авторы: azattyq-ruhy.kz

Бас прокуратура жанындағы Қылмыстық қатерлерді болжау орталығы GhostPairing деп аталатын жаңа алаяқтық схема туралы ескертті. Бұл әдіс арқылы қылмыскерлер құпия сөзді бұзбай-ақ немесе SIM-картаны қолды қылмай-ақ, WhatsApp аккаунтына толық қол жеткізе алады.

Шабуыл Facebook немесе WhatsApp-тың ресми хабарламасына ұқсайтын жалған ескертулерден басталады. Пайдаланушыны жасанды сайтқа бағыттап, ол жерде телефон нөмірін және SMS-пен келген кодты енгізуді сұрайды. Осыдан кейін қаскөйлер өздерін «байланысқан құрылғы» (linked device) ретінде қосып, барлық чаттарға, медиа файлдар мен контактілерге қол жеткізеді.

Ең қауіптісі: 
Смартфон ешқандай ақаусыз жұмыс істей береді, сондықтан қолданушы өзінің аңдуда жүргенін сезбей де қалуы мүмкін.


Қалай сақтану керек?
Полиция мессенджер параметрлеріндегі «Байланысқан құрылғылар» (Связанные устройства) бөлімін жүйелі түрде тексеріп тұруға кеңес береді. Егер тізімде сізге беймәлім құрылғы пайда болса, деректеріңізді қорғау үшін оны бірден өшіру қажет.

#Алаяқтық #Киберқауіпсіздік #Бас прокуратура #GhostPairing #Абайлаңыз #Алаяқтар #Хакерлер #Мессенджер #Қауіпсіздік #Смартфон #Жеке деректер #Байланысқан құрылғылар #SMS код #Киберқылмыс #Қазақстан #Сақтану #Чат #Аккаунтты ұрлау #Жаңа схема

Соңғы жаңалықтар