WhatsApp-та балалардың қауіпсіздігі күшейеді: жаңа функция қалай жұмыс

Meta компаниясы 13 жасқа дейінгі балаларға арналған арнайы WhatsApp аккаунттарын іске қосуды жоспарлап отыр, деп хабарлайды DW.com Бұл аккаунттар ата-аналар немесе қамқоршылар арқылы тіркеліп, толықтай солардың бақылауында болады.

Компанияның мәліметінше, жаңа функция отбасылар мен сарапшылардың қатысуымен әзірленген. Балаларға арналған профильдерде қауіпсіздікке ерекше көңіл бөлінеді.

Жүйе іске қосылғаннан кейін ата-ана немесе қамқоршы баланың аккаунтын толық бақылап отырады. Олар баламен кім байланыса алатынын, қандай топтарға қосылуға болатынын өздері шешеді. Сондай-ақ ата-аналар бейтаныс адамдардан келген хабарлама сұрауларын көріп, құпиялық баптауларын басқара алады.

Соңғы уақытта әлемде балалардың интернеттегі қауіпсіздігі қызу талқыланып жатыр. Мысалы, Аустралияда балалар мен жасөспірімдерге әлеуметтік желілерді пайдалануға шектеу енгізілген. Бірқатар елдерде осындай шараларды енгізу мәселесі әлі де талқыланып келеді.