Үздік қазақстандық боксшылардың рейтингі жарияланды

Boxrec.com сайты 2025 жылдың қорытындысы бойынша Қазақстанның ең үздік 10 боксшысының рейтингін ұсынды. 

Тізімнің көшін орта салмақта WBO және IBF тұжырымдары бойынша әлем чемпионы Жәнібек Әлімханұлы бастады. Ол жылды 17 жеңіспен (12 нокаут) аяқтап отыр. Алайда жақында оның аты допингке қатысты дауда аталды. Егер айып дәлелденсе, боксшыны дисквалификация және чемпиондық белбеулерінен айырылу қаупі күтіп тұр. 

Рейтингтің екінші және үшінші орындарына жеңіліссіз келе жатқан Сұлтан Зауырбек (20-0, 13 КО) пен Жанқош Тұраров (29-0, 20 КО) жайғасты.

BoxRec нұсқасы бойынша үздік ондыққа енген өзге де қазақстандық боксшылар:

• Данияр Елеусінов (13-0, 8 КО)

• Бек Нұрмағанбет (15-0, 13 КО)

• Бекман Сойлыбаев (21-1, 12 КО)

• Батыр Жүкембаев (24-1, 17 КО)

• Руслан Мадиев (18-2-1, 6 КО)

• Ельшат Нығметолла (21-0-3, 8 КО)

• Садриддин Ахмедов (15-0-1, 13 КО)

Айта кетейік, рейтинг боксшылардың кәсіби рингтегі нәтижелері мен белсенділігіне негізделіп жасалған. Қазақстандық бокс үшін 2025 жыл жарқын жеңістермен қатар, күрделі сұрақтар да қалдырған жыл болды.