Ұшақтарда Wi-Fi қашан қосылады?

Қазақстандық әуе компаниялары ұшақ бортында интернетті 2026 жылдың соңына дейін енгізуді жоспарлап отыр. Бұл туралы Сенат кулуарында көлік вице-министрі Талғат Ластаев мәлімдеді.

Оның айтуынша, ең алдымен Wi-Fi жаңа әуе кемелерінде пайда болады. Атап айтқанда, биыл жеткізілуі күтіліп отырған Boeing 787 Dreamliner ұшақтары интернетпен жабдықталады.

Вице-министрдің сөзінше, бұл ұшақтарда Wi-Fi 2026 жылдың соңы немесе 2027 жылдың басында-ақ іске қосылуы мүмкін.

Boeing 787 Dreamliner әуе кемелері халықаралық бағыттармен қатар ішкі рейстерде де қолданылмақ.

Ластаев бұл бағыттағы жұмыстар Цифрлық даму және жасанды интеллект министрлігімен бірлесіп жүргізіліп жатқанын атап өтті.