Үш адамның өмірі қиылды: Әл-Фараби даңғылындағы жол апаты бойынша іс сотқа жолданды

Алматыдағы Әл-Фараби даңғылында болған жол-көлік оқиғасы бойынша қылмыстық іс сотқа жолданды. Бұл туралы марқұмның туыстарының мүддесін қорғайтын адвокат Олег Чернов хабарлады.

Оның айтуынша, соттың алдын ала тыңдауы 28 мамыр күні сағат 15:00-де Алматы қаласының мамандандырылған ауданаралық сотында өтеді.

Аталған жол апаты 21 наурызға қараған түні болған. Оқиға салдарынан Mercedes көлігінің 29 жастағы жүргізушісі мен 20 және 22 жастағы екі жолаушы қыз көз жұмды.

Тергеу нұсқасы бойынша, Zeekr көлігінің жүргізушісі басқа автокөлікпен бірге көшеде жарыс ұйымдастырған. Сондай-ақ ол жеңіл дәрежеде алкогольдік масаң күйде болғаны анықталған.

Қылмыстық іс бойынша енді түпкілікті шешімді сот қабылдайды.