Универсиададағы жетістік: Қазақстан кезекті медаліне ие болды

16 шілде күні Германияның Рейн-Рур аймағында бастау алған жазғы Универсиада ойындарында Қазақстан құрамасы кезекті медаліне қол жеткізді. Таэквандо спорт түрінен 58 келі салмақта өнер көрсететін Тамирлан Тлеулес жартылай финалда сүрініп, қола медальді иемденді, деп хабарлады Qazinform.com.

Жартылай финалда украиналық қарсыласы Максым Маненковке есе жіберген Тамирлан қола жүлдеге қанағат тұтты. Жарыс регламентіне сәйкес, жартылай финалда жеңіліс тапқан спортшылар автоматты түрде қола медальге ие болады. 

Бұл жетістік аталмыш Универсиададағы еліміздің еншілеген төртінші медалі. Бұған дейін Дамир Шуленов, Нодира Ахмедова сынды спортышлар таэквондадан, Айбола Ертайқызы ырғақты гимнастикадан орын алған. 

Қазіргі нәтиже бойынша әзірге АҚШ бірінші орында, екінші орында- Қытай болса, үздік үштікті- Оңтүстік Корея толықтырып тұр. Қазақстан құрамасында төрт қана қола болғандықтан нақты орнын дөп басып айту қиын.

Автор: Рахат Жора