Ұлытауда үш мыңнан астам киік қырылып қалды

Әлеуметтік желілерде тараған жүздеген өлі киіктің видеосына қатысты Ұлытау облысының әкімдігі түсініктеме берді.

«Жезқазған қаласы аумағында 660-тан астам, Қаражал қаласының маңында 2342 киіктің өлексесі табылып, арнайы мал қорымдарына жеткізіліп, жойылды», – делінген хабарламада.

Жергілікті билік өкілдерінің айтуынша, бұл қыс айларында табиғи себептерден болатын жағдай. Сондай-ақ қаңғыбас иттер де киіктердің қырылуына себеп болған. Әкімдік өкілдері өлекселерде ешқандай механикалық зақым болмағанын, яғни денелері жырылмағанын атап өтті.

Өлекселерді жинау жұмыстары жалғасып жатыр.