Ұлытау өңірінде қырылған жылқы саны 500-ге жетті

Облыстық ауыл шаруашылығы басқармасы басшысының айтуынша, олардың басым бөлігі Жаңаарқа ауданында, 40 пайызға жуығы Ұлытау ауданында табылған, деп хабарлайды Qrnews.kz тілшісі 24KZ-ке сілтеме жасап.

Бұрын хабарланғандай, мал өліміне ауа райының қолайсыздығы себеп болған. Жайылымдық жерлердің мұздануы жылқыларды шөпке қол жеткізуден айырды. Ведомствоның мәліметінше, жылқылар электронды базаға тіркелмеген. Бұл меншік иелерін анықтауға, демек, олардың шығындарын өтеуге мүмкіндік бермейді. Бұл ретте аудан әкімдіктері шаруаларды техникамен қамтамасыз етуде. Оның көмегімен олар жайылымдық жерлерге мал азығын тасымалдау үшін баратын жолдарды тазартады.

“Қазір жемге, нақтырақ айтсақ, жылқыға субсидия төленіп жатыр. 200 миллион теңгеге жуық ақша төледік. Оның 80 пайызға жуығы жылқы жеміне берілетін субсидия. Жылқы өсіретін 230-ға жуық шаруа қожалығы бүгін-ертең мұндай қолдауға ие болады”, - деді Ұлытау облыстық ауыл шаруашылығы басқармасының басшысы Қайрат Мұтаев.