Ұлттық тасымалдаушы күзгі маусымда теміржол билеттеріне 40%-ға дейін жеңілдік жариялады

«Жолаушылар тасымалы» АҚ 2025 жылдың 22 қыркүйегінен 23 қазанына дейін теміржол билеттеріне күзгі жеңілдіктер маусымын іске қосты. Науқан аясында жолаушылар 7 бағыт бойынша билеттерді төмендетілген бағамен сатып ала алады.

Жеңілдіктер дүйсенбі, сейсенбі, сәрсенбі және бейсенбі күндері жүретін пойыздарға қолданылады:

• № 9/10 «Астана – Алматы», отыратын орындарға (2С) – 40% жеңілдік;

• № 65/66 «Астана – Жезқазған», турист вагондарының купелік орындарына (2Д) – 25% жеңілдік;

• № 67/68 «Астана – Өскемен», турист вагондарының үстіңгі орындарына (2Д) – 30% жеңілдік;

• № 77/78 «Алматы – Маңғыстау», купе вагондарының үстіңгі орындарына (2К) – 25% жеңілдік;

• № 351/352 «Алматы – Өскемен», купе вагондарының үстіңгі орындарына (2К, 2Л, 2У) – 30% жеңілдік;

• № 691/692 «Атырау – Ақтөбе», купе вагондарының үстіңгі орындарына (2К, 2Л, 2У) – 20% жеңілдік.

Сонымен қатар күн сайын қатынайтын:

• № 11/12 «Алматы – Шымкент» пойызының турист вагондарының купелік орындарына (2Д) – 25% жеңілдік беріледі.

Билеттерді жеңілдікпен www.bilet.railways.kz сайтынан немесе вокзалдағы билет кассаларынан сатып алуға болады. Науқан бойынша билеттер пойыз жөнелтілгенге дейінгі 45 күннен 10 күнге дейінгі аралықта қолжетімді.

Компания мәліметінше, бұл акция жолаушыларға сапарларын алдын ала жоспарлап, қолжетімді бағамен билет сатып алуға мүмкіндік береді.