Үкімет резервінен спортшылар мен жаттықтырушыларға сыйақы төленді

Үкімет XXV қысқы Олимпиада ойындарының жеңімпазы Михаил Шайдоров пен конькимен жүгіруден үздік алтылыққа енген Надежда Морозова-ға ақшалай сыйақы беру туралы шешім қабылдады. Жалпы қаражат көлемі 250 миллион теңгеден асады және ол Үкіметтің резервтік қорынан бөлінген.

Туризм және спорт министрлігінің мәліметінше, сыйақы екі спортшыға және олардың бес жаттықтырушысына табысталған. Заңға сәйкес, Шайдоровқа 250 мың доллар, ал Морозоваға 5 мың доллар көлемінде қаржылай марапат берілді. Сонымен қатар олардың жеке және бас бапкерлері де сыйақы алған, алайда нақты сомалары жария етілмеді.

Бұдан бөлек, Олимпиада жүлдегерлеріне жергілікті әкімдіктер тарапынан қосымша қолдау көрсетіледі. Атап айтқанда, спортшыларға коммуналдық тұрғын үй қорынан тегін пәтер беру жоспарланып отыр.