Уақыт белдеуінің ауысуы банктерге де әсер етеді

29 ақпаннан 1 наурызға қараған түні Қазақстан бірыңғай уақыт белдеуіне көшеді.⁣ Уақыт белдеуінің ауысуы банк қызметтеріне де әсер етеді. 

Kaspi Bank

29 ақпан күнгі сағат 22:00 бастап 1 наурыз күнгі сағат 02:00 дейін біз техникалық жұмыстар жүргізіледі.

• Kaspi.kz мобильді қосымшасындағы кейбір сервистер, сондай-ақ Kaspi Банкоматтар, Kaspi Терминалдар мен Kaspi Картоматтар уақытша жұмыс істемеуі мүмкін.⁣
• Kaspi QR бойынша Kаspi Gold-пен төлем және Kaspi клиентіне ақша аударымдары қалыпты режимде жұмыс істейді.⁣
• Kaspi Travel-де билет сатып алған жолаушылар ұшақтың ұшатын уақыты туралы өзекті ақпаратты «Сапарларым» бөлімінен қарай алады.⁣
• Ал енді билет сатып алғысы келетіндер үшін Kaspi Travel сервисіндегі уақыт сағаттың ауысқаны ескеріліп көрсетілген.⁣
• Т/ж билеттерінде пойыздың жүретін уақыты өзгермейді.

“Сүйікті клиенттерімізден қаржыға қатысты барлық қажетті істі күні бұрын жасауды сұраймыз”, - делінген хабарламада.

Halyk

29 ақпан сағат 23:30-ден 1 наурыз сағат 02:00-ге дейін Halyk-та техникалық жұмыстар жүргізіледі.

Қолжетімді болады:

* Halyk POS-терминалдарында банк карталарымен төлеу;

* Halyk карталарымен банкоматтардан қолма-қол ақша алу;

* Жеке тұлғаларға арналған Halyk қосымшасына кіру және карта бойынша қалдықтарды қарау.

Мобильді қосымшаның жұмысында кішігірім үзілістер болуы мүмкін:

* Төлемдер жүргізу;

* Карталар, ағымдағы шоттар және депозиттер бойынша аударымдар;

* Несиелер, депозиттер бойынша қалдықтарды қарау және олармен операциялар жүргізу.

Банк кеңестері:

* Қызметтерді қалпына келтіру кезінде сыртқы провайдерлердің қызметтері қолжетімді болмаған жағдайда аударымдар мен төлемдер үшін Touch ID немесе Face ID қолданыңыз

* Қажетті операцияларды 29 ақпан сағат 23.00-ге дейін жасаңыз.

Jusan

Jusan Bank ақпараттық жүйелерін бірыңғай уақыт белдеуіне (UTC+5) ауыстыруға байланысты, 29 ақпаннан 1 наурызға қараған түні банк тиісті техникалық жұмыстарды жүргізеді.

Bereke bank

Клиенттік сервистің сапасын арттыру мақсатында Bereke Bank банктің бағдарламалық қамсыздандыруын баптау жұмыстарын жүргізуді жоспарлап отыр, осыған байланысты 2024 ж. 29 ақпанда сағат 22:30-дан бастап 1 наурыз сағат 07:00-ге дейін B-Bank және B-Business қосымшалары жұмыс істемейді.

Отбасы банк

2024 жылдың 1 наурызынан бастап бірыңғай уақыт белдеуіне көшуге байланысты, банктік жүйелердің барлығы, оның ішінде өз-өзіне қызмет көрсету терминалдары және альтернативті қолжетімділік арналары, 2024 ж. 29 ақпаны сағат 18:00-ден 1 наурыздың сағат 08:00-ге дейін уақытша қолжетімсіз болады.

Forte bank

• Банктің мобильді қосымшасы 29 ақпан сағат 23:30-дан 00:00-ге дейін жұмыс істемейді.
• Банкоматтардан ақша алу, карта арқылы сауда жасау әдеттегідей жұмыс істейді.
• Операторларға қоңырау шалу немесе чатта хат алмасу ескі уақытпен 1 наурыз 00:00-ден 01:30-ға дейін, жаңа уақытпен 00:30-ға дейін қолжетімді болмайды.
• Техникалық жұмыстар 1 сағат, 30 минутқа созылады.