Тыйым салынған жерде шомылғандарға қанша айыппұл салынады?

Тыйым салынған жерлерде шомылғаны үшін тұрғындарға айыппұл салынады. Бұл туралы Алматы қаласы төтенше жағдайлар департаменті азаматтық қорғаныс басқармасының аға офицері Есбол Сұлтанов айтты.

"Су айдындарындағы қауіпсіздік ережелерін бұзғаны немесе орындамағаны үшін жауапты тұлғалар мен азаматтар "Әкімшілік құқық бұзушылық туралы" ҚР Кодексінің 412 - бабы бойынша 7 АЕК (25 мың теңге) айыппұл түрінде әкімшілік жауапкершілікке тартылатын болады", – деді ол.

Жазда Астанада бес жағажайдың жанында суға түсуге болады, деп хабарлады қала әкімдігі.
Оның төртеуі ақылы. Бұл:

• Орталық қалалық жағажай;
• «Три пескаря» демалыс аймағы;
• «Столичный двор» демалыс аймағы;
• «Армина» демалыс аймағы.

Қалада сонымен қатар тегін коммуналдық жағажай бар.

Ал 21 жерде суға түсуге тыйым салынған. Рұқсат етілген және тыйым салынған жүзу аймақтарының тізімі 2gis-те қолжетімді.

Алматы мен тау етегіндегі 44 су қоймасының тоғызында суға түсу қауіпті.

Қалада су жағасында жаппай демалуға болатын төрт орын анықталды. Бұл Сайран көлінің батыс және шығыс жағалауы, Гүлдер демалыс аймағы және Үлкен Алматы каналының бойындағы Баум тоғайы жағажайы.