Тұрсынбек Қабатовтың экс-жары Мөлдір Мұқановаға айыппұл салынды

Мәдениет және ақпарат министрлігі заңсыз онлайн-ұтыс ойындарын ұйымдастырған тұлғалардың тізімін жариялады. Сол тізімде блогер, Тұрсынбек Қабатовтың бұрынғы жұбайы Мөлдір Мұқанова да бар.  

Ресми ақпаратқа сай, ол қазан айында 589 800 теңге (150 АЕК) көлемінде айыппұл төлеген.  

Министрліктің дерегінше, Мұқановамен бірге тағы бірнеше танымал тұлғалар да жауапкершілікке тартылған. Олардың қатарында:  
▪️ блогер Дархан Жолшыбек — 393 200 теңге (100 АЕК);  
▪️ актер Рамазан Амантай (“Мафия”, “Заманback”, “Бизнес по-казахски”) — 393 200 теңге (100 АЕК);  
▪️ блогер Мереке Қалбаева — 589 800 теңге (150 АЕК);  
▪️ Нұрбек Нұртаза — 1 179 600 теңге (300 АЕК);  
▪️ Алия Байтуғаева және Амина Нұртаза — әрқайсысы 825 720 теңгеден (210 АЕК);  
▪️ Қайсар Қамза — 1 179 600 теңге (300 АЕК);  
▪️ Алмасбек Батыр — 589 800 теңге (150 АЕК).  

Жалпы, жыл басынан бері 90-ға жуық адам заңсыз ұтыс ұйымдастырғаны үшін айыппұл арқалап, мемлекет қазынасына 40 миллион теңгеге жуық қаржы түскен.  

Еске сала кетсек, Қазақстанда лотерея мен ұтыс ойындарын өткізу құқығы тек лицензиясы бар операторларға ғана берілген. Рұқсатсыз ұтыс өткізген жеке тұлғаларға — 100 АЕК, ал кәсіпкерлер мен заңды тұлғаларға — 300 АЕК-ке дейін айыппұл салынады.