$ 474.9 € 555.3 ₽ 6.24

Түркиядағы қанды қырғын: жасөспірім мектептегілерге оқ жаудырып, соңында өзіне қол жұмсады (ВИДЕО)

Абдрахманов Мағжан
14 сәуір 2026, 16:16
Түркиядағы қанды қырғын: жасөспірім мектептегілерге оқ жаудырып, соңында өзіне қол жұмсады (ВИДЕО) Сурет авторы: Mersin

Түркияның Сиверек қаласындағы кәсіптік-техникалық мектепте қарулы шабуыл болып, салдарынан 16 адам жарақат алды. Turkiye Today басылымының хабарлауынша, зардап шеккендердің арасында 12 оқушы, екі мұғалім және екі азаматтық тұлға бар.

Шанлыурфа провинциясының губернаторы Хасан Шильдактың мәлімдеуінше, шабуыл жасаушы осы мектептің 2007 жылы туған бұрынғы оқушысы болып шықты. Ол ұзын ұңғылы помпалы мылтықпен мектеп ауласына кіріп, алдымен сыртта, кейін ғимарат ішінде бейберекет оқ жаудырған. Кейбір оқушылар аман қалу үшін терезеден секіруге мәжбүр болған. Оқ жаудырғаннан кейін жасөспірім бірнеше адамды кепілге алған.

Оқиға орнына жедел түрде полиция, арнайы жасақ және медицина қызметкерлері жұмылдырылды. Мектептегі оқушылардың басым бөлігі эвакуацияланды. Құқық қорғау органдары күдіктіні берілуге көндірмек болғанымен, ол бас тартып, соңында өз-өзіне қол жұмсады.

NTV телеарнасының мәліметінше, жасөспірімнің мұндай қадамға баруына досымен болған жанжал себеп болуы мүмкін.

#Түркия #Мектеп #Жасөспірім

Соңғы жаңалықтар