$ 448.44 € 514.81 ₽ 5.33

Түркістанда ұлттық құрама боксшылары референдумда дауыс берді

Редакция
15 наурыз 2026, 10:47
Түркістанда ұлттық құрама боксшылары референдумда дауыс берді

Түркістан облысында бокстан Қазақстан ұлттық құрамасының спортшылары республикалық референдумға қатысып, өз таңдауларын жасады. Қазіргі уақытта команда Төлеби ауданындағы «Алма Тау» спорттық базасында оқу-жаттығу жиындарын өткізіп жатыр.

Дайындық кестесінің тығыздығына қарамастан, ұлттық құрама мүшелері елдегі маңызды саяси науқаннан шет қалмай, Төлеби ауданына қарасты Ақбастау ауылындағы №760 сайлау учаскесіне арнайы барып дауыс берді. Осылайша спортшылар азаматтық борыштарын орындап, ел болашағына қатысты шешім қабылдау процесіне өз үлестерін қосты.

Спортшылардың айтуынша, мемлекет тағдырына әсер ететін маңызды сәттерде әрбір азаматтың белсенділігі айрықша рөл атқарады. Сондықтан олар халықпен бірге ел дамуына жауапкершілікпен қарап, референдумға қатысуды азаматтық міндет деп санайтынын жеткізді.

Ұлттық құраманың бұл қадамы жастарға үлгі болып, қоғамда белсенді азаматтық ұстанымды қалыптастырудың маңызын көрсетті.

#Түркістан облысы #Төлеби ауданы #Алма Тау спорт базасы #Қазақстан бокс құрамасы #Ұлттық құрама #Спортшылар #Дауыс беру #Азаматтық борыш #Саяси науқан #Ақбастау ауылы #Сайлау учаскесі #Қазақстан спортшылары #Қоғам белсенділігі

Соңғы жаңалықтар