Түркістанда Президент кеңесшісі Мәлік Отарбаев Ордабасы тұрғындарымен кездесті

Қазақстан Республикасы Президентінің кеңесшісі Мәлік Отарбаев жұмыс сапарымен Түркістан облысынакеліп, Ордабасы ауданының тұрғындарымен кездесу өткізді. Сапар аясында ол алдымен Темірлан ауылындағы Ордабасы аудандық «Өнер» мектебінің қызметімен танысты. Кездесуге ауданның зиялы қауым өкілдері, қоғам белсенділері, жастар және мәдениет саласының мамандары қатысты.

Жиынды облыс әкімінің орынбасары Ертай Алтаев ашып, Мемлекет басшысы Қасым-Жомарт Тоқаевтыңбастамасымен елімізде жүзеге асып жатқан саяси реформалардың маңыздылығына тоқталды.

Кездесу барысында Ордабасы ауданының Құрметті азаматы Жүсіп Лесбек, «Ордабасы оттары» газетінің редакторы Ғалымжан Зиябек, аудандық Жастар ресурстық орталығы басшысының орынбасары Әділет Әбухайыров, сондай-ақ білім саласының өкілі Рүстем Үсенов сөз сөйлеп, ел дамуы мен қоғамдағы өзекті мәселелер туралы пікірлерін білдірді.

Өз кезегінде Мәлік Отарбаев елімізде жүргізіліп жатқан саяси және әлеуметтік реформалардың негізгі мақсаты – мемлекеттілікті нығайту, халықтың әл-ауқатын арттыру және әділетті қоғам қалыптастыру екенін атап өтті. Сонымен қатар ол тұрғындардың ұсыныс-пікірлерін тыңдап, елдің болашағына қатысты ойларымен бөлісті.

Кездесу барысында мәдени бағдарлама да ұйымдастырылып, жергілікті өнерпаздар патриоттық әндер орындады.

Айта кетейік, Ордабасы ауданында өткен бұл басқосу тұрғындар мен билік өкілдері арасындағы ашық диалог алаңына айналып, қоғамдағы маңызды мәселелерді талқылауға мүмкіндік берді.

Түркістан облысы әкімінің баспасөз қызметі