$ 480.72 € 548.07 ₽ 6.14

Түркістан облысында жол апатынан бір отбасының бес баласы қаза тапты

Абдрахманов Мағжан
30 маусым 2026, 10:15
Түркістан облысында жол апатынан бір отбасының бес баласы қаза тапты Сурет авторы: видеодан кадр

Түркістан облысының Түлкібас ауданындағы Еңбекші ауылында болған жол-көлік оқиғасынан бір отбасының бес баласы қаза тапты. Бұл туралы жергілікті Otyrar басылымы хабарлады.

Алдын ала мәлімет бойынша, Volkswagen Polo автокөлігі жоғары жылдамдықпен келе жатып, жолдан шығып кетіп, ағашқа соғылған. Соққының қатты болғаны соншалық, жеңіл көлік екіге бөлініп қалған.

Жол апатынан зардап шеккен тағы бір бала ауруханаға жеткізілді. Дәрігерлер оның өмірін сақтап қалғанымен, жағдайы ауыр деп бағаланып отыр. Баланың ата-анасы оның денсаулығына қатысты ақпаратты жарияламауды сұраған.

Полицияның алдын ала болжамынша, жүргізуші көлікті басқара алмай қалған болуы мүмкін. Оқиғаға байланысты қылмыстық іс қозғалды. Қазір жол апатының барлық мән-жайы анықталып жатыр.

Бас прокуратураның мәліметінше, 2026 жылдың алғашқы бес айында Түркістан облысында 461 жол-көлік оқиғасы тіркелген. Соның салдарынан 100 адам қаза тауып, 573 адам түрлі жарақат алған.

#Түркістан облысы

Соңғы жаңалықтар