Трамп «Теңізшевройл» акционерлерінің табысына көз тікті

АҚШ президенті Дональд Трамп мұнай өндіруші ExxonMobil және Chevron компанияларын жанармай бағасының қымбаттауынан шамадан тыс пайда көріп отыр деп айыптады. Ол компанияларды бензиннің бөлшек саудадағы бағасын төмендетуге шақырды. Бұл туралы Reuters агенттігі хабарлады.

Трамптың мәлімдемесі екі компанияның екінші тоқсандағы қаржылық есебі жарияланғаннан кейін айтылды. Иранмен болған қақтығыс аясында мұнай бағасының жоғары болуы олардың кірісін айтарлықтай арттырған. ExxonMobil-дың тоқсандық таза пайдасы екі еседен астам өсіп, 14,5 миллиард долларға жетсе, Chevron 12,1 миллиард доллар пайда тауып, соңғы алты жылдағы ең жоғары нәтижесін көрсетті.

«Егер компанияның табысы былтырғыдан 12 есе артса, оның бір бөлігін халыққа қайтаруы керек. Олар тұтынушылар үшін бөлшек бағаны төмендеткені жөн. Бұл жағдай мені қанағаттандырмайды», – деді АҚШ президенті.

Chevron – Қазақстандағы ең ірі мұнай жобаларының бірі «Теңізшевройлдың» негізгі акционері. Компанияның бірлескен кәсіпорындағы үлесі – 50 пайыз. Ал ExxonMobil «Теңізшевройлдың» 25 пайыз акциясына иелік етеді.