$ 509.63 € 592.34 ₽ 6.54

Тоқаев: жаңа Салық кодексі қасиетті кітап емес, түзетуге болады

Абдрахманов Мағжан
20 қаңтар 2026, 13:07
Тоқаев: жаңа Салық кодексі қасиетті кітап емес, түзетуге болады Сурет авторы: Ақорда

Қазақстан Президенті Қасым-Жомарт Тоқаев Ұлттық құрылтай барысында жаңа Салық кодексін іске асыруға қатысты ұсыныстарды жан-жақты қарастыру қажет екенін айтып, негізді уәждер болған жағдайда құжатқа өзгерістер енгізуге дайын екенін жеткізді.

Мемлекет басшысы салық саясатына қатысты айтылған барлық орынды бастамалар назардан тыс қалмауы тиіс екенін атап өтті.

«Жаңа Салық кодексін қолдану жөніндегі байыпты ұсыныстардың барлығын мұқият талдау қажет. Қажет деп танылса, оған түзетулер енгізіледі. Салық кодексі – қасиетті жазба емес, оны жетілдіруге болады әрі жетілдіру қажет», – деді Президент.

Еске сала кетейік, 2026 жылғы 1 қаңтардан бастап елімізде салық жүйесіне қатысты бірқатар өзгеріс күшіне енді. Атап айтқанда, қосылған құн салығының мөлшерлемесі 12 пайыздан 16 пайызға дейін артты. Қасым-Жомарт Тоқаев реформалар нақты экономикалық ахуалға сай жүргізіліп, бизнес қауымдастық пен қоғамның пікірі ескерілуі тиіс екенін айтты.

#Жаңа Салық кодексі #Салық #Қасым-Жомарт Тоқаев

Соңғы жаңалықтар