Тоқаев Түркістанның ерекше мәртебесі туралы заңға қол қойды

Мемлекет басшысы «Түркістан қаласының ерекше мәртебесі туралы» Қазақстан Республикасының заңына қол қойды. Бұл құжатта Түркістанның еліміздің рухани, тарихи-мәдени және туристік орталығы ретіндегі мәртебесі бекітілді.

Заңда қандай өзгерістер қарастырылған?

🔹 Тарихи-мәдени мұраны сақтау – Қожа Ахмет Ясауи кесенесі мен өзге де тарихи ескерткіштерді қорғау.
🔹 Археологиялық және ғылыми-реставрациялық жұмыстарды реттеу.
🔹 Ұлттық қолөнерді дәріптеу және тарихи-мәдени мұраны қайта жаңғырту.
🔹 Қорғау аймағында сәулеттік келбеті үйлеспейтін ғимараттардың салынуына тыйым салу.
🔹 Археологиялық ескерткіштердің резерватын құру.
🔹 Қала инфрақұрылымын инклюзивті туризмге бейімдеу, мүгедектігі бар адамдарға қолжетімді орта қалыптастыру.
🔹 Қаланың бірыңғай сәулеттік келбетін сақтау үшін дизайн код енгізу.
🔹 Қаланың дамуын тиімді басқару мақсатында әкімдік пен мәслихаттың өкілеттіктерін кеңейту.
🔹 Мемлекет тарапынан қолөнер шеберлеріне қолдау көрсету және көлік транзитін реттеу.
🔹 Туризмді дамыту, тұрғындардың өмір сапасын арттырумен қатар, қаланың тарихи ерекшелігін сақтау.

Қабылданған заңның толық мәтіні баспасөзде жарияланады.