$ 506.7 € 593.14 ₽ 6.53

Тоқаев Тамара Дүйсенованы қызметінен босатты

Абдрахманов Мағжан
25 қыркүйек 2025, 17:12
Тоқаев Тамара Дүйсенованы қызметінен босатты Сурет авторы: primeminister.kz

Президент Қасым-Жомарт Тоқаевтың Жарлығымен Тамара Дүйсенова Қазақстан Республикасы Президентінің көмекшісі қызметінен босатылды. Бұл туралы Ақорда хабарлады.

Сонымен қатар мемлекет басшысы көмекшілері Қанат Шарлапаев пен Ернар Баспаевты да қызметінен босатты.

Тамара Дүйсенова – мемлекеттік қызметте ұзақ жыл еңбек еткен тұлға. Ол әр жылдары «Нұр Отан» (қазіргі Amanat) партиясының хатшысы, Еңбек ресурстарын дамыту орталығының басшысы, Президенттің штаттан тыс кеңесшісі, сондай-ақ Президент Әкімшілігінің өтініштерді қарауды бақылау бөлімінің меңгерушісі қызметтерін атқарды.

Дүйсенова үш мәрте Еңбек және халықты әлеуметтік қорғау министрлігін басқарды (2013–2014, 2017–2018, 2022–2024 жж.). Сонымен бірге 2014–2017 жылдары Денсаулық сақтау және әлеуметтік даму министрі болды.

2023 жылы ол вице-премьер – Еңбек және халықты әлеуметтік қорғау министрі қызметіне тағайындалды. 2024 жылдың ақпанында министр қызметінен кеткенімен, вице-премьер мәртебесін сақтап қалды. Ал 2025 жылдың ақпанында Президент көмекшісі болып тағайындалған еді.

#Тамара Дүйсенова #Тоқаев #Президент көмекшісі #Қызметінен босату

Соңғы жаңалықтар