Тоқаев пен Путин телефон арқылы сөйлесті

Президент Қасым-Жомарт Тоқаев Ресей Федерациясының Президенті Владимир Путинмен телефон арқылы сөйлесті.

Әңгімелесу барысында екі ел арасындағы стратегиялық серіктестік пен одақтастық қатынастардың жүйелі дамып келе жатқаны атап өтілді. Мемлекеттер басшылары сауда-экономикалық ынтымақтастықтың, оның ішінде энергетика, өнеркәсіп және көлік салаларындағы уағдаластықтардың жүзеге асырылуын қарастырды.

Сонымен қатар мәдени-гуманитарлық байланыстардың нығая түскені айтылды.

Сұхбат барысында Қасым-Жомарт Тоқаевтың Ресейге жасайтын мемлекеттік сапарына дайындық мәселесіне ерекше назар аударылды. Тараптар өңірлік және халықаралық күн тәртібіндегі өзекті тақырыптар бойынша да пікір алмасты.