Тоқаев некені ер мен әйелдің ерікті одағы ретінде заңнамалық тұрғыда нығайту қажет деп есептейді

Мемлекет басшысы жастардың санасын «жаңаша өмір сүру үлгісі» деген желеумен теріс бағытқа бұрғысы келетіндерден сақтану керектігін ескертті. Ұлттық құндылықтарымызды сақтап, саяси арандатушылардың халық бірлігін бұзуына жол бермеу - басты міндет.

«Менің не туралы айтып отырғанымды бәрі түсінді деп ойлаймын. Мемлекет дәстүрлі мәдени құндылықтарды қорғауға, деструктивті, ал ашығын айтсақ, адамгершілікке жат мінез-құлық үлгілерін насихаттауға қарсы тұруға міндетті», - деп толықтырды Президент.

Сонымен қатар егер адамдардың моральдық ұстанымдары мемлекеттің позициясымен сәйкес келмесе, оларды қудалауға болмайтынын атап өтті.

Конституцияға сәйкес, неке - тараптардың ерікті және толық келісімімен қиылған ер мен әйелдің тең құқылы одағы.