$ 448.44 € 514.81 ₽ 5.33

Мемлекет басшысы: “Мен өзім де мемлекет басшысы ретінде Жаңа Конституция жобасының мәтінін жазуға тікелей атсалыстым”

Редакция
13 наурыз 2026, 15:41
Мемлекет басшысы: “Мен өзім де мемлекет басшысы ретінде Жаңа Конституция жобасының мәтінін жазуға тікелей атсалыстым” Сурет авторы: коллаж Qrnews

Астанада өткен Мәслихат депутаттарының III республикалық форумында Қасым-Жомарт Тоқаев ел күткен маңызды саяси мәлімдеме жасады. Мемлекет басшысы Жаңа Конституция жобасының қалай жазылғанын және ондағы кейбір «қызу» таластардың төркінін жария етті.

Тоқаев 2022 жылғы өзгерістерден кейін бірден жаңа Ата заң қабылдау туралы ұсыныстардың көп болғанын жасырмады. Алайда, Президент елді дүрліктірмей, реформаларды біртіндеп, сатылай енгізуді жөн көргенін айтты. «Жасыратын ештеңесі жоқ, бұл — менің жеке шешімім болды», — деп кесіп айтты Мемлекет басшысы.

Президент құжаттың әрбір сөйлеміне, тіпті әрбір үтір-нүктесіне дейін өзі қадағалап, мәтінді жазуға тікелей атсалысқанын жеткізді. Мәселен, Тоқаев «аумақтық тұтастық» деген суық терминді қазақы ұғымға сай «жердің тұтастығы» деп өзгертуді ұсынған.

«Жер — қазақ үшін ең қастерлі ұғым. Ата-бабамыз бір қарыс жер үшін жанын берген», — деді ол.

Бірақ Конституциялық комиссия халықаралық заңнама талаптарын алға тартып, бұл ұсынысты қабылдамаған. Осы мысал арқылы Президент құжаттың жабық есік артында емес, нағыз демократиялық пікірталас жағдайында дайындалғанын дәлелдеп берді.
 
Жаңа Конституция — кабинеттерде жазылған құжат емес, нағыз халықтық жоба.
«Бұл құжат — өскелең ұрпақтың бағыт-бағдары, келер онжылдықтардың темірқазығы. Біз оны нағыз Халық Конституциясы деп нық сеніммен айта аламыз», — деп түйіндеді Президент.
 
#Қасым-Жомарт Тоқаев #Жаңа Конституция #Саяси реформа #Ата Заң #Мәслихат форумы #Конституциялық комиссия #Жер мәселесі #Халықтық референдум #Қазақстан болашағы #Заң жобасы #Саяси жаңалықтар #Мемлекеттік бағдар #Жастар саясаты #Парламенттік реформа

Соңғы жаңалықтар