Тоқаев Мәсімовке рақымшылық жасаудан бас тартты

Мемлекет басшысы Қасым-Жомарт Тоқаев мемлекетке опасыздық жасады және билікті басып алмақ болды деген айыппен сотталған Ұлттық қауіпсіздік комитетінің бұрынғы басшысы Кәрім Мәсімовке рақымшылық жасаудан бас тартты, деп хабарлады Президент әкімшілігі Informburo.kz сайтының сауалына берген жауабында.

Ведомство 27 маусымда сотталған Мәсімовтің рақымшылық жасау туралы өтінішін Президент жанындағы рақымшылық жасау мәселелері жөніндегі комиссияда қарағанын еске салды.

«Мәсімовке кешірім жасау актісін қолдану мүмкіндігін зерделеу нәтижелері бойынша комиссия мемлекет басшысына тиісті ұсыныс енгізіп, ол келісті», - делінген сауалға жауапта.

Маусымның 10-ы Мәсімовтің рақымшылық жасау туралы өтініш жазғаны белгілі болды. Бұдан кейін Ұлттық қауіпсіздік комитеті жергілікті БАҚ-қа Мәсімовке қатысты Қылмыстық кодекстің «Қылмыстық жолмен алынған ақшаны және өзге де мүлікті заңдастыру (жылыстату)» және «Қылмыстық жолмен алынған кірістерді заңдастыру (жылыстату)» және «Пара алу» бабы бойынша сотқа дейінгі тергеу жүріп жатқанын хабарлады.