Тоқаев макроэкономикалық тұрақтылықты қамтамасыз ету жөнінде кеңес өткізді

Мемлекет басшысы Қасым-Жомарт Тоқаев экономикалық даму сапасын арттыру және баға тұрақтылығын сақтау мәселелеріне арналған кеңес өткізді.

Жиынға Премьер-министр, Президент Әкімшілігінің басшылығы, сондай-ақ Ұлттық банк, Қаржы нарығын реттеу және дамыту агенттігі, Стратегиялық жоспарлау және реформалар агенттігі жетекшілері мен Үкімет мүшелері қатысты.

Кеңесте макроэкономикалық тұрақтылықты нығайту, азаматтардың әл-ауқатын арттыру және инфляцияны төмендету бағытындағы шаралар талқыланды.

Президент халықтың табысын арттыру ісінде саннан сапаға көшу маңызды екенін атап өтті. Сонымен қатар ол экономиканы тұрақты дамыту үшін барлық жауапты мемлекеттік органдар үйлесімді әрі жүйелі жұмыс істеуі қажет екенін айтты.