Тоқаев Қарағанды әкіміне неліктен сөгіс берді?

Қарағанды облысының әкімі Ермағанбет Бөлекпаев жылыту маусымына дайындық жұмыстарына жауапкершілікпен қарамағаны үшін Президенттен сөгіс алды. Бұл шешімге Саран қаласындағы тұрғын үйлерге жылудың уақтылы берілмеуі себеп болды. Қалада 10 жыл бойы құрылысы жүріп, биыл ғана аяқталған жаңа қазандық іске қосылғанымен, техникалық ақаулардың кесірінен 168 үй жылусыз қалды. Осы жағдайдан кейін Саран қаласының әкімі Еркін Баулықов қызметінен босатылды.

Орталық қазандықтың проблемасын шешу мақсатында, энергетика министрлігі мен құқық қорғау органдары тексеру жұмыстарын қолға алып, жауапты тұлғалардың іс-әрекеттеріне заңды баға беруді тапсырды.