Тоқаев инфляцияны үш жылда төмендетуді тапсырды

Президент Тоқаев инфляцияны үш жылда төмендетуді тапсырды: «Бос сөзге жол берілмейді»

Тоқаев инфляцияны тізгіндей алмағандарға қатаң ескерту жасады
• Инфляциямен күрестегі «соңғы мүмкіндік»: Президент Үкіметке 3 жыл уақыт берді

Үкіметтің кеңейтілген отырысында Президент Қасым-Жомарт Тоқаев ел экономикасының тұрақтылығын қамтамасыз ету мақсатында Үкімет пен Ұлттық банкке инфляция деңгейін алдағы үш жылда кезең-кезеңімен төмендетуді жүктеді. Мемлекет басшысы бұл мәселені шешуде нақты нәтижелердің маңыздылығын атап өтті.

Инфляциямен күрестің жаңа алгоритмі

Президенттің айтуынша, инфляцияның жоғары болу себептері белгілі, ендігі кезекте елдің дамуына нұқсан келтірмейтін тиімді шешімдер қажет.

«Үкімет пен Ұлттық банкке бірлескен қадамдық іс-қимыл алгоритмін әзірлеуді тапсырамын. Бұл маңызды жұмысқа барлық ведомстволар мен сарапшылар қауымдастығы атсалысуы тиіс», - деді Қасым-Жомарт Тоқаев.

Мемлекет басшысы мәселені тек талқылаумен немесе нәтижесіз «жол карталарын» әзірлеумен шектелуге болмайтынын қатаң ескертті. Мұндай әрекеттер жауапкершіліктен қашу ретінде бағаланып, тиісті тұлғаларға қатысты «қатаң шаралар» қолданылатынын айтты.