Тоқаев Елена Рыбакинаны әлемнің бірінші ракеткасы атануымен құттықтады

Президент Қасым-Жомарт Тоқаев қазақстандық теннисші Елена Рыбакинаны «Әлемнің бірінші ракеткасы» атағына ие болуымен құттықтады.

Мемлекет басшысы спортшының WTA рейтингінде көш бастауын тарихи жетістік деп бағалап, оның жеңісі қазақ спортының беделін арттырғанын атап өтті.

«Сіз айрықша талант пен тынымсыз еңбектің және өзіңізге деген нық сенімнің арқасында WTA рейтингінде көш бастап, биік шыңды бағындырдыңыз. Осынау тарихи жеңісіңіз қазақ спортының даңқын асырды. Есіміңіз әлемдік теннис жылнамасынан ойып тұрып орын алды», – делінген Президент құттықтауында.

Қасым-Жомарт Тоқаев Рыбакинаның жетістікке толы жолы жас спортшылар мен әлемдегі миллиондаған теннис жанкүйеріне үлгі екенін айтты. Сондай-ақ оның корттағы және қоғамдық ортадағы жоғары мәдениетін ерекше атап өтті.

Президент Елена Рыбакинаға чемпиондарға тән жігерін сақтап, жаңа белестерді бағындыра беруіне тілектестік білдірді.