Тоқаев бірнеше елшіні тағайындады

Мемлекет басшысының Жарлықтарына сәйкес Қазақстан Республикасының бірқатар шет мемлекеттердегі елшілері мен халықаралық ұйымдар жанындағы тұрақты өкілдері тағайындалды:

• Еркебұлан Сәпиев – Қазақстан Республикасының Түркия Республикасындағы Төтенше және Өкілетті Елшісі қызметін сақтай отырып, Түркі мемлекеттері ұйымы жанындағы Тұрақты өкіл лауазымын қоса атқаратын болды;
• Рауан Жұмабек – Қазақстан Республикасының Біріккен Араб Әмірліктеріндегі (БАӘ) Елшісі болып тағайындалды;
• Барлыбай Садықов – Қазақстан Республикасының Кения Республикасындағы Елшісі, сондай-ақ Найробидегі БҰҰ бөлімшесі жанындағы Тұрақты өкіл қызметін қоса атқаратын болды. Ол бұған дейін атқарған Эфиопиядағы Елші қызметінен босатылды;
• Жалғас Әділбаев – Қазақстан Республикасының Эфиопия Федеративтік Демократиялық Республикасындағы Елшісі болып тағайындалды;
• Сонымен қатар Нажмедин Мұхаметәліұлы Қазақстан Республикасының БАӘ-дегі Елшісі қызметінен босатылды.