Тоқаев бірқатар азаматты марапаттау туралы Жарлыққа қол қойды

Елдің әлеуметтік-экономикалық және мәдени дамуына қосқан үлесі, мемлекеттік және қоғамдық қызметтегі еңбегі, сондай-ақ әскери және қызметтік борышын үлгілі атқарғаны үшін бірқатар азамат мемлекеттік наградалармен марапатталды. 

Олардың қатарында:
4 еңбек ардагері;
19 жұмысшы маман мен кәсіпорын еңбеккерлері;
14 денсаулық сақтау, білім беру, ғылым және мәдениет саласының қызметкері;
6 кәсіпорын басшысы;
3 қоғамдық ұйым өкілі;
7 мемлекеттік қызметкер;
6 құқық қорғау органдары мен әскер қатарында қызмет ететін маман бар.

Ел мәдениеті мен қоғам дамуына қосқан үлесі үшін «Парасат» орденімен марапатталғандар қатарында:
 Жексенбай Бибігүл Нұрғалиқызы – ҚР Парламент Сенатының депутаты;
 Құспан Айгүл Сайфоллақызы – ҚР Парламент Мәжілісінің депутаты;
 Ноғайбаева Гүлдана Рахымбекқызы – Ә.Қашаубаев атындағы мемлекеттік филармония әншісі;
 Әбілдина Қарақат Түлкібайқызы – «Қарақат» мектеп-студиясының бас директоры.