$ 463.41 € 546.27 ₽ 6.18

Тоқаев Бейбітшілік кеңесінің Жарғысына қол қойды

Абдрахманов Мағжан
22 қаңтар 2026, 16:28
Тоқаев Бейбітшілік кеңесінің Жарғысына қол қойды Сурет авторы: Ақорда

Қазақстан Президенті Қасым-Жомарт Тоқаев АҚШ Президенті Дональд Трамп ұсынған бастама аясында құрылған Бейбітшілік кеңесінің Жарғысына ресми түрде қол қойды.

Құжатқа қол қою рәсімі Давоста өткен Дүниежүзілік экономикалық форум шеңберінде ұйымдастырылды. Іс-шараға Қазақстан басшысымен бірге 18 мемлекеттің президенттері мен жоғары лауазымды өкілдері қатысты. Кеңес құрамына кіруге келісім берген елдердің жетекшілері Жарғыға қол қою арқылы өз ұстанымдарын растады.

Келісімге қол қойғандар арасында Шавкат Мирзияев, сондай-ақ Әзербайжан, Сауд Арабиясы, Қатар, Біріккен Араб Әмірліктері, Аргентина және Парагвай елдерінің басшылары бар. Бұдан бөлек, Венгрия мен Әзербайжанның премьер-министрлері де құжатқа қосылды.

Сонымен бірге Батыс Еуропаның бірқатар мемлекеттері, Қытай және Ресей бұл бастамаға қатысудан әзірге бас тартқан. Дегенмен АҚШ тарапы аталған елдерге де Кеңеске қосылу туралы ресми шақырту жолдағанын хабарлады.

Мәліметке сәйкес, АҚШ Президенті Бейбітшілік кеңесін жаһандық мәселелерді талқылайтын балама халықаралық алаң ретінде ұсынып, оны Біріккен Ұлттар Ұйымына қарсы балама құрылым ретінде қарастырып отыр.

#Қасым-Жомарт Тоқаев #Бейбітшілік кеңесі #Тоқаев қол қойды

Соңғы жаңалықтар