Тоқаев барлық мәслихаттың өкілеттігін мерзімінен бұрын тоқтатты

Президент Қасым-Жомарт Тоқаев барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды, деп хабарлады Ақорда.

Шешім Конституцияның 88-бабының 5-тармағына сәйкес Премьер-министр Олжас Бектеновпен және Құрылтай төрағасы Айбек Дәдебаймен консультациядан кейін қабылданды.

Орталық сайлау комиссиясына барлық деңгейдегі мәслихат депутаттарының кезектен тыс сайлауын тағайындап, оған дайындық пен сайлауды өткізуді ұйымдастыру тапсырылды.

Жарлық жарияланған күннен бастап күшіне енеді.

Бұған дейін бүгін Тоқаев Бектенов және Дәдебаймен мәслихаттардың өкілеттігін мерзімінен бұрын тоқтату мәселесі бойынша консультация өткізген еді. Сол кезде Президент депутаттық құрамды жаңарту жергілікті өкілді органдардың жұмысын едәуір күшейтетініне сенім білдірген.