Тоқаев «Ару-Ана» үздік әйелдер жобасы байқауының жеңімпаздарын марапаттады

Ақорданың баспасөз қызметінің хабарлауынша, бұл жолы марапат түрлі салада әлеуметтік маңызы бар жобаларды жүзеге асырып, азаматтық қоғамның дамуына елеулі үлес қосып жүрген қыз-келіншектерге алты номинация бойынша табысталды.

«Ару-Ана» байқауының жеңімпаздары:

1. «Ауыл әйелдерін дамытуға арналған үздік жоба» номинациясы бойынша – Бақытгүл Елшібаева; 
2.  «Ғылым саласындағы үздік жоба» номинациясы бойынша – Гүлзада Шакуликова; 
3.  «Азаматтық сана-сезімді дамыту бағытындағы үздік жоба» номинациясы бойынша – Әлия Ахмеджанова;
4. «Ұлттық мәдени мұраны насихаттау бағытындағы үздік жоба» номинациясы бойынша – Анастасия Михалёва;
5.  «Агробизнес саласындағы үздік жоба» номинациясы бойынша –Ботагөз Арқашбаева;
6.  «Креативті индустрия саласындағы үздік жоба» номинациясы бойынша – Мәдина Еділбекова

Жиыннан кейін мемлекет басшысы 8 наурыз – Халықаралық әйелдер күніне арналған «Әйелмен әлем әдемі» атты мерекелік концертті тамашалады.