Таяу Шығыстағы қақтығыстан кейін мұнай бағасы шарықтап кетті

Таяу Шығыста Иран мен Израиль арасындағы қақтығыстың ушығуы аясында мұнай бағасы күрт қымбаттады. Сауда барысында қара алтын құны шамамен 7 пайызға өсіп, 2025 жылдың басынан бергі ең жоғары көрсеткішке жетті.

Brent маркалы мұнай барреліне 78–82 доллар аралығында саудаланып жатыр. WTI маркасы 71–75 доллар диапазонында қалыптасты. Астана уақытымен сағат 09:00-дегі дерек бойынша, Brent бағасы 77,13 долларды құрады.

Сарапшылардың пікірінше, бағаның өсуіне аймақтағы әскери әрекеттердің күшеюі әсер еткен. Зымыран шабуылдарының жиілеуі, танкерлердің зақымдануы және Ормуз бұғазы арқылы мұнай жеткізуге төнген қауіп нарықтағы алаңдаушылықты арттырған.

Ормуз бұғазы әлемдік мұнай жеткізілімінің маңызды бөлігі өтетін стратегиялық бағыт саналады. Аймақтағы тұрақсыздық жаһандық энергия нарығына және әлемдік экономикаға қосымша қысым түсіріп отыр.