Талғат Байсуфинов Қазақстан құрамасының бас бапкері болып тағайындалмақ

Қазақстан ұлттық футбол құрамасын алдағы уақытта Талғат Байсуфинов басқаратын болды. Бұл жолы ол уақытша емес, ресми түрде бас бапкер қызметіне бекітіледі. Sports24.kz осылай деп хабарлады.

Құжаттарға қол қою алдағы күндері жоспарланып отыр.

Байсуфиновтың жетекшілігімен команда қазан айында екі матч өткізіп, төрт ұпай жинаған еді. Ал қарашада Астанада өткен әлем чемпионатына іріктеу кезеңіндегі Бельгиямен ойында Қазақстан құрамасы 1:1 есебімен тең түсті. Кейін хорватиялық Пула қаласында өткен жолдастық кездесуде Фарер аралдарынан жеңілді.

Айта кетейік, Талғат Байсуфинов бұған дейін ұлттық құраманы екі рет басқарған: 2016–2017 және 2020–2022 жылдары.

Енді маман Қазақстан құрамасын жаңа маусымдағы Ұлттар лигасында бастап шығады. Құраманың басты мақсаты – Лига B кезеңіне өту.