Талғарда әкесінің зиратына барған жігітті пышақтап өлтірді

Алматы облысы Талғар ауданындағы Нұра ауылында 24 жастағы жігіт қаза тапты. Оқиға түнгі уақытта болған.

Алдын ала мәлімет бойынша, марқұм інісімен бірге әкесінің қабіріне барып, Құран бағыштау үшін зиратқа бара жатқан. Жолда олардың көлігінің жолын ішінде үш жігіт отырған автокөлік бөгеген.

Жастар жолды босатуды сұрағанымен, қарсы тарап көлікті айналып өтуді ұсынған. Кейін қысқа жанжал туындап, 24 жастағы жігіт көліктен шыққан. Осы кезде күдіктілердің бірі оған пышақ салғаны айтылады.

Жараланған жігіт ауруханаға жеткізілгенімен, дәрігерлер оның өмірін сақтап қала алмаған.

Алматы облысының полиция департаменті оқиғадан кейін күдікті үш адамның ұсталғанын хабарлады. Олардың барлығы Нұра ауылының тұрғындары болып шыққан. Қазір күдіктілер уақытша ұстау изоляторына қамалған.

Аталған факі бойынша «Адам өлтіру» және «Бұзақылық» баптары бойынша қылмыстық істер тергеліп жатыр.