Таиланд қазақстандықтар үшін визасыз режим мерзімін 2 есе қысқартуды жоспарлап отыр

Таиланд билігі Қазақстанды қоса алғанда, әлемнің 93 елінің азаматтары үшін визасыз болу мерзімін қайта қарауды көздеп отыр. Бұл туралы Bangkok Post басылымы хабарлады.

Жаңа ережелерге сәйкес, шетелдіктердің елде визасыз болу мерзімі 60 күннен 30 күнге дейін қысқартылмақ.

Билік бұл қадамды елдегі «көлеңкелі бизнеспен» күресу мақсатында жасап отыр. Ресми мәліметтер бойынша, кейбір шетелдіктер елдегі демократиялық визалық ережелерді заңсыз кәсіпкерлік қызмет атқару үшін пайдаланған.

Таиландтың Туризм министрлігі бұл өзгерістің демалушыларға айтарлықтай әсері болмайтынына сенімді.

«Шетелдік туристер Таиландта орта есеппен 21 күннен артық болмайды. Егер оларға 30 күннен көп уақыт қажет болса, мерзімді ұзартуға өтінім бере алады. Бұл күрделі процесс емес», – деп түсіндірді ведомство өкілдері.

Бүгінгі таңда Қазақстан азаматтары үшін Таиландта 60 күнге дейін визасыз жүру мүмкіндігі сақталуда. Алайда сапар алдында келесі талаптарды орындау міндетті:

• Төлқұжат мерзімі: Сапар аяқталғаннан кейін кемінде 6 ай жарамды болуы тиіс;
• Цифрлық карта: Келер алдында 72 сағат бұрын Thailand Digital Arrival Card (TDAC) толтыру қажет;
• Қосымша құжаттар: Кері қайту билеті мен қонақүй бронының болуы міндетті.