$ 509.63 € 592.34 ₽ 6.54

Су тасқыны қаупі жоғары өңірлер белгілі болды

Редакция
31 наурыз 2024, 05:24
Су тасқыны қаупі жоғары өңірлер белгілі болды Сурет авторы: gov.kz

«Қазгидромет» РМК 2024 жылғы су тасқыны бойынша негізгі болжамдарын жариялады. 

Қазақстанның жазық өзендерінде көктемгі су тасқыны ағынының күтілетін көлемі 2024 жылғы 01 наурыздағы жағдай бойынша гидрометеорологиялық бақылаулар мен өлшеулер деректеріне сәйкес жасалды.

«Қазгидромет» РМК өңделген «NASA» спутниктерінің ЖҚЗ (Жерді қашықтықтан зондтау) суреттері бойынша 2024 жылғы 01 наурыздағы жағдай бойынша Қазақстанның қармен жабылған аумағы 72% құрайды.

Жауын-шашынның мөлшерін, қардағы су қорын, топырақтың күзгі ылғалдылығының көрсеткіштерін, топырақтың қату тереңдігін, сондай-ақ өзендердің мұз режимдерін талдай отырып, су тасқыны қауіпті аймақтарға алдын-ала баға берілді", – делінген хабарламада.

Қатерлері жоғары өңірлер: Абай, Ақмола, Ақтөбе, Алматы, Шығыс Қазақстан, Батыс Қазақстан, Қарағанды, Қостанай, Солтүстік Қазақстан және Жетісу облыстары.

Қатерлері орта: Атырау, Жамбыл, Қызылорда, Павлодар, Түркістан және Ұлытау облыстары.

Қатерлері төмен: Маңғыстау облысы.

Қазіргі уақытта қар жиналу процесі жалғасуда.

Соңғы жаңалықтар