СҚО-да тағайындалғанына үш ай ғана болған ауыл әкімі өлі күйінде табылды

Солтүстік Қазақстан облысында Ақжар ауданына қарасты Май ауылдық округінің әкімі Ерлан Смайылов өлі күйінде табылды. Бұл туралы Солтүстік Қазақстан облысының полиция департаменті хабарлады.

Ведомство мәліметінше, 48 жастағы ер адамның мәйіті 18 мамыр күні Май ауылынан табылған. Аталған дерек бойынша суицид фактісімен қылмыстық іс қозғалып, оқиғаның барлық мән-жайы анықталып жатыр.

Ерлан Смайылов бұл қызметке үш ай бұрын ғана тағайындалған.

Соңғы уақытта Қазақстанда әкімдердің өліміне қатысты бірнеше жағдай тіркелді. 2025 жылдың желтоқсанында Темір қаласының әкімі Еркін Далмағамбетов өлі күйінде табылса, биыл көктемде Кеңқияқ ауылдық округінің бұрынғы әкімі Қуанышбек Серікжановтың да қаза тапқаны хабарланған.