СҚО-да өрттен бес адам қаза тапты

Редакция

23 қаңтар 2025, 06:07

Сурет авторы: ТЖМ

Солтүстік Қазақстан облысы Шал ақын ауданына қарасты Ступинка ауылындағы жеке тұрғын үйде болған өрттен екі ересек пен үш бала қаза тапты. Бұл туралы облыстық ТЖД баспасөз қызметі хабарлады.

Төтенше жағдай 23 қаңтар түнде тіркелген. 112 қызметіне үйдің өртенгені туралы хабар түскеннен кейін, құтқарушылар оқиға орнына жедел жеткен.

"Құтқарушылар келгенде үй толықтай өртке оранған болатын. Қатты қызғаннан шатыр мен төбенің жабындысы құлап кеткен. Өрт сөндіру барысында екі ересек пен үш баланың денесі табылды. Олардың жеке тұлғалары анықталып жатыр", – делінген ресми хабарламада.

Өрт жалпы 104 шаршы метр аумақты шарпыған. Құтқарушылар отты толықтай сөндірді. Өрттің неден шыққаны әзірге белгісіз.

СҚО-да өрттен бес адам қаза тапты

Соңғы жаңалықтар