Шымкентте көпбалалы аналарға 8 наурызға орай берілетін төлем Астанадан екі есе жоғары болады

Шымкент қаласында Халықаралық әйелдер күніне орай көпбалалы аналарға жергілікті бюджеттен біржолғы әлеуметтік көмек көрсетіледі. Биылғы төлем мөлшері елордамен салыстырғанда айтарлықтай жоғары болып отыр.

Шымкент қаласының әкімдігі хабарлағандай, мерекелік қолдау шарасымен 14 267 әйел қамтылады. Ақшалай көмек келесі санаттағы азаматтарға беріледі:

• «Алтын алқа» және «Күміс алқа» алқаларымен марапатталғандар;
• «Батыр ана» атағы бар әйелдер;
• I және II дәрежелі «Ана даңқы» орденінің иегерлері.

Төлем мөлшері мен шарттары
Мерекелік төлемді алу үшін басты шарт - 2026 жылдың 8 наурызына дейін Шымкент қаласында тұрақты тіркеуде болу. Шымкентте төлем мөлшері 5 АЕК (21 625 теңге) болса, Астана қаласында бұл көрсеткіш 2,5 АЕК-ті (10 813 теңге) құрайды.

Жәрдемақы алушыларға ешқандай мекемеге барып, өтініш жазудың қажеті жоқ. Тізім «Азаматтарға арналған үкімет» мемлекеттік корпорациясының деректер базасы негізінде автоматты түрде жасақталады. Қаражат тікелей алушылардың есепшоттарына аударылады.

Елордада 37 мыңға жуық көпбалалы отбасы мен аналарға мерекелік көмек көрсетіледі деп жоспарланған.