Шымкент мектептерінде не болып жатыр? Полиция шұғыл мәлімдеме жасады

Шымкент қаласындағы мектеп оқушыларына шабуыл жасалатыны туралы ақпарат Telegram-арналар мен мессенджер чаттарында тарап, тұрғындар арасында алаңдаушылық тудырды. 

Хабарлама авторлары 16 қаңтар күні қала мектептерінде жаппай қырғын ұйымдастыратындарын айтып, сес көрсеткен. Алайда полиция департаменті бұл ақпараттың шындыққа жанаспайтынын ресми түрде мәлімдеді. 

Тұрғындарды дүрбелеңге түспеуге, тек ресми деректерге сенуге және жалған қауесеттерді таратпауға шақырды. Қазіргі уақытта құқық қорғау органдары тиісті тексеріс жұмыстарын жүргізіп жатыр, білім беру нысандарында қауіпсіздік шаралары күшейтілді және жағдай толық бақылауға алынды. Сондай-ақ, полиция жалған ақпарат таратқан тұлғалар үшін қылмыстық жауапкершілік қарастырылғанын еске салады.