ШҚО-да кейбір автожол қыс аяғына дейін жабылды

1 қарашадан бастап Шығыс Қазақстан облысында қысқы маусымда қауіпсіздікті қамтамасыз ету мақсатында белгілі бір автожолдарда жүк көліктері мен жолаушылар тасымалына уақытша шектеулер енгізілді. 

Шектеу келесі жол учаскелерінде қолданылады:
1. "Өскемен-Алтай-Үлкен Нарын-Катонқарағай-Рахман қайнары" автожолының 46-66 шақырымы – бұл жол бөлігі қыс аяқталғанша жабық болады.
2. "Өскемен-Риддер-Ресей Федерациясының шекарасы" автожолының 94-104 шақырымы – қыс маусымы біткенше түнгі уақытта (сағат 20:00-ден 06:00-ге дейін) қозғалыс шектеледі.

Аталған шектеулер жолдағы қауіпсіздікті арттыру және көлік оқиғаларының алдын алу мақсатында енгізілді.