Шіркейге таланған БҚО тұрғындары жаппай наразылық білдіріп жатыр

БҚО тұрғындары шіркейдің қаптап кеткеніне жаппай шағынып жатыр. Биыл зтянкестер саябақ пен көшелерді толтырды. Мамандар мұның себебі су тасқыны екенін айтады. Ылғалдың көптігіне байланысты қансорғыш жәндіктердің маусымы шілденің аяғына дейін созылуы мүмкін. Жергілікті билік мұндай жағдайға дайын болмай шықты.

Су тасқынымен келген су Оралдан әлі толық шыққан жоқ. Ал бұл қансорғыш жәндіктердің көбеюіне тамаша жағдай дейді мамандар. Жердің қашан толық кебетіні белгісіз. Ал қала тұрғындары шіркейлер аяқ алып жүруге мұрша бермейтінін айтады. 

Өңірде зиянкестерге қарсы дәрілеу, дезинсекциялау жұмыстары жоспарға сай жүргізіліп жатыр, бірақ әзірге нәтиже берер емес. Өйткені жәндіктерді жұмыстар халықтың денсаулығына зиян келтірмеу үшін кешкі уақытта және түнде улайды, яғни әсері әлдеқайда төмен. Сонымен қатар бұл жұмыстар қала шетінен тыс жерлерде - орман алқаптарында және су айдындарының маңында жүргізіледі.

Дәл осы себепті қазір қаржыландыруды ұлғайту мәселесі қарастырылып жатыр. Биыл бір ғана Оралда қансорғыштармен күресуге 105 миллион теңге бөлінген. Бірақ тазартатын аумақ алаңы 10 есе үлкейді. Жоспарлы жұмыстарды төрт команда орындап жатыр.

"Сәуір айынан бастап мердігер шыбын-шіркей дернәсілдері көп шоғырланған жерлерді анықтап, осы аумақтарды өңдеу бойынша күнделікті жұмыстарды жүргізіп келеді. Бірақ су тасқынына байланысты көптеген жаңа су қоймалары пайда болды. Бұл жағдайлар жәндіктердің өткен жылдарға қарағанда көбірек пайда болуына жақсы жағдай жасайды. Осы себепті біз қаржыландыруды көбейтуді сұрап отырмыз”, – деді БҚО энергетика және тұрғын үй-коммуналдық шаруашылық басқармасы басшысының орынбасары Қанат Өмірәлиев.

Зиянкестерге қарсы күреске жауапты компания жәндіктермен күрес екі кезеңде жүргізілетінін атап өтті. Бірінші кезең дернәсілдерді жоюға бағытталған, ал екінші кезең шіркейдің өзің жоюға бағытталған.

Мамандар Орал тұрғындарына әзірге орман және су айдындарының маңында демалудан бас тартуға кеңес береді. Шіркейлер шабуылы кем дегенде жаздың ортасына дейін жалғасады, сондықтан енді шыдамдылық танытып, қорғанып жүру керек дейді олар.