Шерзат Полаттың отбасы жаңа үйге қоныстанды

Талғар қаласында былтыр қайғылы жағдайда қаза тапқан 16 жастағы Шерзат Полаттың отбасы жаңа үйге кірді. Бұл туралы марқұмның әкесі Қаржаубай Нұрымовтың адвокаты Мейірман Шекеев әлеуметтік желідегі парақшасында хабарлады.

"Әуелі Аллаға, содан соң бауырларымыз Асқар мен Асхаттың жомарттығына, Алматы облысы әкімдігінің қолдауына және халықтың дұғасына шексіз алғыс білдіремін. Осы бірліктің арқасында Қаржаубайдың отбасы жаңа үйге қоныстанды. Гүлбарам ханымның жүзінен куаныш пен күлкі көру біз үшін сол күні бақыт болды", – деп жазды заңгер.

Оның айтуынша, бұл үй демеушілердің көмегімен салынған. Бұған дейін көптеген азамат қаржы жинап беруге ниет білдіргенімен, Шерзаттың әкесі халықтың ақшасын қабылдаудан бас тартқан.

Адвокаттың мәліметінше, үйдің жалпы ауданы шамамен 130 шаршы метр.

Еске салайық, 2024 жылғы қазан айында Талғарда түнгі төбелес кезінде 16 жастағы Шерзат Полат қаза тапқан еді. Тергеу барысында төбелес «сыра үшін басталғаны» анықталған.

Бір апта өткен соң Шерзаттың отбасы тұрған үй өртеніп кеткен, ал желтоқсан айында марқұмның 30 жастағы ағасы өз-өзіне қол жұмсағаны хабарланды.

2025 жылғы 5 маусымда сот басты айыпталушы Абзал Шынасылды 23 жылға бас бостандығынан айырды.
Бір апта өткен соң Шерзаттың отбасы тұрған үй өртеніп кеткен, ал желтоқсан айында марқұмның 30 жастағы ағасы өз-өзіне қол жұмсағаны хабарланды.