Шәкіртақы өседі, 3G өшеді… Қыркүйектен бастап қандай өзгерістер болады?

Қыркүйек айынан бастап еліміздегі бағалар мен бірқатар заңнамалық өзгерістер болады. Оның ішінде шәкіртақы өсіп, тіпті байланыс операторлары да өз тарифтерінің бағасын көтермек. 

Теле 2 байланыс операторы 2024 жылдың 16 қыркүйегінен бастап 3G желісі Шымкентте және оған жақын елді мекендерде жұмысын тоқтатынын мәлімдеді. 23 қыркүйектен бастап 3G Қызылордада және облыстсың кейбір ауылдары мен демалыс аймақтарында істен шығатынын ескертті. Оператордың айтуынша, бұл 4G байланысының сапасын жақсарту үшін жасалады. 

Оған қоса, шетелге қоңырау шалу мен хабарлама жіберу бағасында да өзгерістер болатынын хабарлады. 

Қарыздар мен микрокредиттер алу ережелері өзгереді

1 қыркүйектен бастап 1 000 АЕК (2024 жылы 3 692 000 теңге) және одан жоғары сомаға банктік қарызды немесе микрокредитті ресімдеу кезінде жұбайының/зайыбының келісімі талап етіледі.

Құжатты электронды түрде рәсімдеуге болады. Ол үшін жұбайы ЭЦҚ көмегімен құжатқа қол қоюы, сондай-ақ биометриялық сәйкестендіруден өтуі тиіс.

Электромобилдерге байланысты жаңа ереже күшіне енеді

Ережеге сәйкес, 18 қыркүйектен бастап электромобиль иелері тұрақ үшін ақы төлеуден босатылады. Сонымен қатар, электромобиль тұрғын аудандарда қозғалтқышы қосулы күйінде тұрақтай алады.

Стденттердің шәкіртақысы өседі

2024 жылғы 1 қыркүйектен бастап:

Колледж студенттері үшін шәкіртақы 50% — ға артып, жұмысшы мамандықтары бойынша - 43 574 теңгені, орта буын мамандары үшін-41 896 теңгені құрайды.

Бакалавриат студенттерінің стипендиясын ұлғайту 20% — 47 135 теңгеге дейін, ал педагогикалық және медициналық бағыттарда оқитындар — 75 600 теңгеге дейін болады.

Интернатурада оқитындарға стипендия 85 376 теңге, ал резидентурада — 123 122 теңге көлемінде төленетін болады.

Магистранттар мен докторанттарға стипендия тиісінше 15% — ға 107 061 теңгеге және 240 000 теңгеге ұлғайтылады.

Сонымен қатар 1 қыркүйектен бастап мемлекеттік еңбек инспекциясы комитеті жұмыс істей бастайды. Еңбек ету құқығыңыз бұзылған жағдайда олармен байланыса аласыз.

* Оң рульдік машиналар "Яндекс" платформаларында жұмыс істемейді. Бірақ такси жүргізушілеріне қалааралық сапарларға тыйым салынбайды. 

* Салық салушылар қандай аударымдарды тексеретінін айтты: үш ай ішінде 100 түрлі адамнан 1 нөмірге аударымдар болған жағдай, бұл ретте егер 3 айдағы сома 255 мың теңгеден асса салық инспекцияна жауап беруіңіз мүмкін.