Семейде қоқыс контейнерінен жаңа туған нәрестенің мәйіті табылды

Семей қаласында қоқыс контейнерінен жаңа туған сәбидің мәйіті табылды. Ақпаратты Абай облысының полиция департаменті растады.

Полицияның мәліметінше, 3 ақпанда құқық қорғау органдарына қоқыс контейнерінде орамалға оралған нәрестенің денесі табылғаны жөнінде хабар түскен.

Тексеру барысында 20 жастағы қыз анықталған. Оның сөзінше, баланы үйінде босанған, алайда сәби өлі туған. Сонымен қатар тергеу кезінде жаңа туған баланың мәйітін қоқыс контейнеріне тастаған қала тұрғыны да анықталған.

Қазіргі уақытта аталған дерек бойынша сотқа дейінгі тергеп-тексеру басталды. Нәрестенің денесі сараптамаға жіберілді. Сараптама қорытындысы шыққаннан кейін полиция оқиғаға қатысы бар тұлғалардың әрекеттеріне құқықтық баға беріп, тиісті процессуалдық шешім қабылдайды.