Семей түрмелерінен сотталушылардың жаппай қашып жатқаны рас па?

Қылмыстық-атқару жүйесі комитеті Семейдегі түзету мекемелері туралы тараған қауесеттерге байланысты мәлімдеме жасады.

Әлеуметтік желіде Семей түрмесінде жазасын өтеп жатқан сотталған адамның қаза тапқаны жайла ақпарат тараған болатын. Ведомство бұл жайтты растады. Әрі оның қайтыс болу себебін - инсульт деп көрсетті. 

«Зорлау қылмысы үшін жазасын өтеп жатқан сотталған өзін нашар сезінген соң мекеме дәрігерлеріне жүгінген. Оған алғашқы медициналық көмек көрсетіліп, жедел жәрдем шақырылған. Бірақ көрсетілген шараларға қарамастан, ол ауруханада көз жұмды. Алдын ала болжам бойынша, өлім себебі – инсульт», – делінген ҚАЖК хабарламасында.

Бұған дейін әлеуметтік желілерде «түрмеден сотталғанда қашып жатыр» деген ақпарат тараған еді. Комитет өкілдері бұл деректі толықтай жоққа шығарды.

Ведомство өкілдерінің айтуынша, жаппай сотталғандардың қашуы, түрмеден жаппай шығарылуу немесе көшіру жөніндегі ақпарат шындыққа жанаспайды.