Руслан Берденовке оқ атқан Ернар Жиембай 9 жылға сотталды

Шымкентте қала әкімінің орынбасары Руслан Берденовке жасалған шабуылға қатысты сот үкімі шықты. Айыпталушы Ернар Жиенбай 9 жылға бас бостандығынан айырылды.

Бұған дейін прокурор оған 11 жыл 3 ай жаза тағайындауды сұраған еді. Алайда сот жазаны жеңілдетіп, 9 жылдық колониялық мерзім белгіледі.

Сот сондай-ақ сотталушыны жәбірленушінің пайдасына 30 айлық есептік көрсеткіш (118 890 теңге) төлеуге міндеттеді.

21 сәуір күні Шымкент қаласы әкімдігі ғимаратының жанында Руслан Берденовке оқ атылған еді. Әкімнің орынбасары ауыр жарақатпен ауруханаға жеткізілді. Бұл іс бойынша айыпталушы ретінде қала құрылыс басқармасына қарасты «Тұрғын үй Шымкент» мекемесінің бұрынғы директоры тартылып отыр.